بقول لك

ما تيجي تمسك إيدي وتكتب بيها
مين عارف..؟
مش يمكن اللي ح تكتبه إيدي بعقلك يكون أحسن من اللي كتبته إيدي لعقلك..؟
مش ممكن إيدي عجّزت بعد 28 سنة قضت معظمهم كتابة..؟
مش ممكن تكون على الأقل انت بتفكر..؟
تعال كده اكتب بدالي

حدث في 1981..!

0- على جنب..!

التسرع… التسرع.. مرض الجنس البشري..! وانتي عندك التسرع كله.. والعرش أيضا..!

1- يا سلام..!

في الكليب الرائع لنادين لبكي الذي أقنعني إن البت دي لو اشتغلت سينما ستبهرنا جميعا، تعود فتاة الليل\نانسي عجرم إلى بيتها.. وتجلس أمام المرآة.. لتخلع أقنعة اليوم وتبكي..!
ثم تخرج الى النهار وقد غسلت ذنوب ليلها.. بوجهها الحقيقي.. بروحها الحقيقية.. ب”حب” للناس الذين هم أكثر قربا وحقيقية من ناس الليل..
أنا الآن أفعل مثلها.. أنزع اقنعة العام وأتطهر من ناس الليل لأفتح حضني لعالم يمكنه أن يحبني كما أحبه.. عالم لا يستنزفني ولا يمتص أفكاري أو مجهودي أو كلامي أو مشاعري..!

2-البورصة..!

بيت المبتسرين الرائع الذي كان لي بيتا وفرجة ومخبأ ومعرض ومسرح.. لا أتذكر اليوم تحديدا عندما سألت لأول مرة “هي قهوة البورصة مش قريبة من هنا..؟” ونجحت في الوصول إليها..
2002..؟ 2003..؟ مش فاكر حاجة زي كده.. المهم انها قطعت شريحة محترمة من عمري اللي فات وربما أكثر احتراما من عمري اللي جاي.. لهذا سأحتفل الليلة بعيد ميلادي هناك، أو سأحتفل أنا وعيد ميلادي بهناك..!!

3-بكل الحب ح نتكلم..

بكل الحب، ح نتكلم النهاردة عن الـ.. أكيد  يعني عن الحب، بما إن يعني بحب وانتوا بتحبوا وكده، بس فيه حاجات تانية كتير.. زي مثلا الخبر اللي سمعته من اتنين شباب في منطقتنا وانا نازل اشتري الحاجات: البتاع بطّل يتباع..!!! وطبعا ده موضوع في غاية الأهمية خاصة في ضوء مقولة عادل إمام: إحنا بقه اللي بعنا البتاع بقه.. ورد عم شنكل: طب إحنا بقه اللي اشتريناه..! فطبعا خبر زي ده ح يكون له أكبر الأثر على اللي باعوا البتاع ممثلين في سرحان عبد البصير واللي اشتروه وعنهم عم شنكل..
وبكل الحب، ح انفخ اللي ح يتكلم في موضوع مصر والجزائر أو الكورة بشكل عام.. وح انفخه بمنتهى الرومانسية وانا في منتهى السعادة وحيبقى هو بالونة عيد الميلاد.. فرجاءً خلوه عيد ميلاد من غير بلالين..!
كل الحب للناس اللي ملوا صفحتي على الفيس بوء بالتهاني والتبريكات والتورتات، واللي أرسلوا لي رسائل على الفيس والتويتر واللي قالوها لي بلسانهم واللي قالوها لي بكيبورداتهم..
بحبكم

عالم مريضة بنت ستين…………….!!

لتاني مرة في شهر واحد تطلع اشاعة موت مزيف ضمن اصدقائي على الفيس بوك..!

اولاهما كان واحد بيعمل في السعودية معرفة فيس بوك استغل صاحبه تركه للأكاونت مفتوحا على جهاز الشغل فحب يعمل مقلب وادعوا له واخد صورته الرمزية -التي كان الفقيد يعتبرها نموذجا للشعب المصري (يعني موت الشعب المصري كله عشان الهزاراية تكمل بروح امه)- ووضع عليها شريطًا أسودًا… طبعا ولمدة يومين بعد دخول صاحب الحساب واكتشافه المقلب ظل كل من بالفيس بوك يسبون 100 دين لصاحب الحساب وصاحب المقلب بلا تمييز..!

واليوم عملها واحد مع صديق لأغلب من مر بالصدفة من أمام الوسط الأدبي في الكام سنة الأخيرة.. يحيى هاشم مؤسس دار أكتب..!!

فتح انطلاقة..!

- يعني إيه فيصلوجيا..؟
- مش عارف.. يعني إيه فيصلوجيا..؟
- مش عارف.. يعني إيه فيصلوجيا..؟
وتستمر البرويلة -بالمصطلح المسرحي- أو الكيو -بالمسرحي أيضا- بين ناس عايزين يعرفوا يعني إيه فيصلوجيا وآخرين لا يمتلكون إجابة حقيقية..
منهم أنا..!

بريد الأب الروحي- The mailbox

المساحة الحرة للأب الروحي The Godfather’s Hyde park

تكنولوجيا بلوجر عقيمة جدا.. يعني اذا قارنته بـأي برنامج آخر مثل دروبال أو وورد برس أو جملة تكتشف أن تكنولوجيته بالفعل عقيمة عقيمة يعني مش ح تجيب عيال أبدا…
ولذلك حينما حاولت جعل هذا البوست مثبتا،

..ولا تكن شيكولاتة مثل "كان عندي طير"…!!

اسمحوا لي اليوم أن أستأذن منكم جميعا فردًا فردًا وفردة فردة (!!) في يوم راحة من حكاية المكابيت التي لسه يا دوب بادئ فيها.. “إنت خلاص حسستنا كأن المكابيت بتوعك أصبحوا جزء لا يتجزأ من برنامجنا اليومي واننا كل يوم لازم نطمن المكابيت حصل لهم إيه مرة قبل ما ننام ومرتين بعد ما نصحى..!!” لا والله عارف ان الموضوع لسه ما لفتش نظر حد أصلا.. لكنكم عندما تعتادون مكابيتي الصغار ستحبونهم جدا..
ما علينا إلا ألا نسمح لأمثال تلك الاستطرادات المرضية بالتسلل إلى حديثنا..!
الليلة الفائتة كنت على موعد مع مجتمع جديد تماما.. رحت التكعيبة لكن ورشة الزيتون مختلفة.. ورحت للمغامير في تجسدهم الأول في مكتبة مبارك، وفي تجسدهم التاني في مكتبة خالد بن الوليد.. لكن ورشة الزيتون مختلفة..! ورحت نادي دار العلوم لكن ورشة الزيتون مختلفة..!!
ولكي أقرب صورة ورشة الزيتون للمغامير ولمن يعرفونهم ولا يعرفون الورشة، يمكنك أن تتخيل أن المغامير جميعا نضجوا فكرا وثقافة -وشوية حاجات تانية صغيرة- فجأة.. وأصبح أغلبهم نقاد فجأة.. وأن شهوة السمع غلبت عندهم كل الشهوات الأخرى وعلى رأسها شهوة الكلام (!) فجأة… وأنهم استقلوا بمكان يتفاعل معهم ويتفاعلوا معه.. واحتفظوا مع كل ذلك بالألفة الودودة والحميمية النادرة التي تجمع بينهم..
هذه بالضبط هي ورشة الزيتون..!
وكان عندي سبب مهم جدا لكي أذهب لأول مرة إلى ورشة الزيتون.. كان عندي طير طار من إيدي وانا قاعد في التكعيبة وحط هنااااااك… في الزيتون..! يمكن لو كان الغالي طه فاوست عبد المنعم فضل يبعت لي في دعوات لآآآخر عمره على الفيس بوك ما كنتش ح اروح.. لكن المرة دي قررت الذهاب ولو على أظافري..
مش عشان سهى زكي أول واحدة من التكعيبيين والتكعيبيات تتكرم علي بحديث صحفي يدور كله على هذا السؤال السخيف جدا -آي والله سخيف جدا..!! ولو طلبوه مني تاني والله ما ح اعمله..!- “ما هو موقفك كمدونة وبتتعاملي مع الحياة ازاي بعد انقطاع الكابل البحري بتاع الإنترنت وإعلان تنظيم فيران السبتية مسئوليته عن العملية..؟! -تأكدت عمليا من مدى سخافة هذا السؤال عندما رزع مالك مصطفى زر الكانسل بتاع موبايله ف وشي بمجرد انتهاء الحديث..!! ما زعلتش.. أنا لو مكانه كنت عملت أكتر..!- و…
يقطع الاستطراد وسنينه..!!
مش عشان الحديث الصحفي.. ولا عشان سهى زكي بتعمل أحلى جو في التكعيبة كلها.. ولا عشان بنتها.. – بالطبع..! حيث أن بيني وبين الأطفال منذ زمن بعيييد جدا (يمتد إلى زمن طفولتي أنا نفسي) ما صنع عم عبده الحداد اللي ف شارع النزهة…
بالعكس.. أبسولتلي..!
لكن عندي ٣ أسباب مهمة..
أولا: لأني أمارس هواية قراءة الناس منذ توقفت عن قراءة الجرائد الحكومية، وجدت في سهى ومدونتها وعالمها البشري ما يشجع على مواصلة القراءة..!
ثانيا: لأني نفسي انها تمثل فيلم من تأليفي..أو أمثل أنا فيلما من تأليفها.. على أن يتفوق الفيلم المنتظر على فيلم “كباريه” الرائع بمسافة بعيدة..!
ثالثا بقه وده الأهم: لأني نفسي جدا انها تفقعني خزعبلاية من بتوعها.. عايز أعرف هل ح اصمد على موقفي واثبت على مبدأي وأظل بدون زواج.. أم سأنهار وأعترف وأتزوج (واحدة تدوم علاقتي بها نحو عشر سنوات.. ثم تهجرني بالانفصال أو بالموت فأظل مخلصا لذكراها بقية حياتي) كما قال كفّي لمفستوفليس القصة القصيرة محمد سعد عبد الرحيم..؟!
(بالمناسبة: أعتقد أن المرأة التي يتحدث عنها محمد سعد قد قابلتها وفارقتها بالفعل.. وهي من كتبت فيها قصيدة “عشق جوايا” في البوست قبل الماضي..!)
حسنا.. لم يكن اليوم محاكمة كما توقعت سهى.. بل كان “غسيل ومكواة” بالمعنى الحرفي للكلمتين..!
أدارت الندوة المدونة الشهيرة “نهى محمود”… وأنا حتى فترة قريبة لم أكن أعرف من هي نهى محمود بالضبط.. حتى قاد طه عبد المنعم حملته الشهيرة لإجبارها على العودة لمدونتها التي قررت هي هجرها لسبب ما.. والذي لاحظته وقتها انني لم أجد إية إشارة على توقف الكتابة هذا في المدونة..!! ما علينا كالعادة..
بدأت الدكتورة عفاف عبد المعطي بكلام جمييل جدا.. أكاديمي جدا.. محترم جدا جدا.. تظل مقتنعا انه جاب آخر ما في المجموعة وقلبها ظهرا لبطن حتى تسمع كلام الروائية هويدا صالح التي تشعرك كأن المجموعة قد ولدت على يديها..! ليه بقه..؟
هذا جزء مهم جدا يستحق التوقف.. مسألة “الناقد الأكاديمي” و”الناقد الممارس”.. وأحيانا ما تصل الأكاديمية بالأكاديمي إلى درجة خبرة الممارس.. لكن دائما ما تصل الممارسة بالممارس إلى درجة خبرة الأكاديمي وتتجاوزها بدون الحاجة إلى استعمال لفة الفتارين الزجاجية التي يستعملها هذا الأخير.. وانا خريج أداب لغة عربية وعارف.. يعني متربي في أحد تلك الفتارين الزجاجية وكنت سأظل فيها لو لم أختر الخروج بإرادتي…!
حد فاهم حاجة..؟ جايز.. واللي مش فاهم عنده الكومينت.. والكومينت مش عيب كما تعرفون.. واللي يكومينت ما يتوهش..!
أما الصحفي الشاب عمر شهريار فقد صدر كلامه قائلا انه لم تتح له فرصة كافية لقراءة المجموعة.. وقد أثبت ذلك وأكثر..! فمن يسمع كلامه يتأكد أنه لم يقرأ المجموعة مطلقا إلا تصفحا..!!
ليه برضه..؟
لأن أبسط إلمام بالعمل الأدبي سيجنبك الوقوع في كثير من الأخطاء.. فكثيرا ما يلجأ الكاتب إلى ترك كثيرا من الأسئلة معلقة الجواب وكثيرا من الأبواب ضائعة المفاتيح.. ولن يصل القارئ/ الناقد إلى أجوبة هذه الأسئلة وأماكن تلك المفاتيح إلا بعد أن يأتي على كامل العمل الأدبي قراءة.. لا أقول يقتله قراءة لكن على الأقل يكمله…!
حكاية اللغة وجدلية الممارسة والمعجمية في أسلوبية الأديب شغلت حجما أكثر مما تحتمله.. إذ كان يكفي أن تقال لمرة واحدة وخلاص..! فالكاتبة أعلنت موقعها اللغوي منذ البداية في تحديد عنوان يقع بين الفصحى والعامية “كان عندي طير”..! ولذلك أنا مش فاهم.. هل كان صعبا جدا على الاستنتاج وبعدا عن المدارك أن نفهم أن الكاتبة قد اختارت أن تكتب العمل بالكامل تقريبا في تلك المساحة الفاصلة بين الصحى والعامية كما حدث مع العنوان..؟!!
عموما.. بعد يوم جميل لم يحضره الداعي إليه في كل حتة طه عبد المنعم.. وبعد غسيل ومكواة خرجت منهما الكاتبة أوضح أفكارا واكثر إصرارا على مواصلة الخربشة في فستان الحياة و”نتشه” من أماكن مختلفة، أجدني تعبت جدا من الكتابة فقد تجاوزت الساعة الخامسة صباحا..

وقديما قالت الساحرة الشريرة بعد ما عملت فرملة أمريكاني بمقشتها الطائرة: لا تكن معصورا فتشرب.. ولا معجونا فتؤكل.. ولا تكن شيكولاتة مثل “كان عندي طير” فيأكلك الناس جلبا للمتعة..!!

تبرع ولو بحضور ندوة…!

هذه الصورة من اجتماع مجلس المقرفصين بساقية عبد المنعم الصاوي..

نشرها المقرفص العظيم طلبة من شوية في مدونته
وقد التقطت الصورة خلال الاستراحة من الاجتماع الذي تخللته فقرة إعلانية -إعلان ليبتون زي ما احنا شايفين- ونرى في الخلفية المقرفص ابراهيم عادل يقوم بتهديد المصور بتبريق عينيه وإمساك كرافتته للدلالة على إنه VIP ومركز مهم في مجتمعنا المعاصر….
المهم ما علينا من الصورة.. جبت الصورة كمجرد عينة من مستوى الوسامة الرهيب اللي ح يحضر ندوة الشاعر محمد طلبة رضوان -موديل الإعلانات اللي قدام في الصورة- اللي ح يعملها فى
مكتبة طلعت حرب
اللي فى شارع السيدة نفيسة
منطقة زينهم
أمام حاجة ما اسمها مجمّع الدكتور فتحي سرور (والذي لا أعرف هو مجمّع فيه إيه بالضبط..!)
يوم السبت
11 / 8 / 2007
الساعة 6 مساء
ونعد كل البنات اننا ح نحاول نخلي ابراهيم ييجي ويجيب معاه كرفاتته وعينيه الخضرة وطلبة احتمال يجيب معاه عنيه الخضرة أيضا وشعره المنعكش غالبا
وانا ح احاول آجي…!

..نتقابل ان شاء الله على خير..

لهذه المبررات يا بنفسج..!!

لأنها أول إنسانة عرفت عن طريقها يعني إيه مدونة بل يعني إيه مدون، ولأن مدونتها كانت أول مدونة أقرأها في حياتي فكانت عاملة بالنسبة لي كما فعلت “بهية” بـ”هيكل” – مع الفارق الهائل الذي يصب في مصلحتي بالطبع لا مصلحة “هيكل”- لكل هذا كانت كلمتها المختصرة في “صاعد” أمرا واجب التنفيذ..

-”عايزين نعمل استخدام جديد للغة.. ونبعد عن …

ثانية واحدة اطفي ميادة باسيليس التى تحالفت مع بسمة على ما يبدو في إشعال مشاعرنا..! نعم.. هكذا أفضل.. “ميادة” تسمع وأنت تقرأ لبسمة لا وأنت تكتب لنفسك..
-”..ونبعد عن الكلام التقليدي والألفاظ التقليدية..!”وطبعا بما اني واحد كانت مشكلة حياته هي كيف يستخدم اللغة استخداما عاديا كبقية البشر بحيث تحتفظ بدورها كآداة تواصل، فأن هذه الدعوة جاءت على مزاجي جدا….
وأنا واحد مقرر من زمان ألا يصبح محمد تهامي آخر -ومحمد التهامي لمن لا يعرفه هو ذلك السخيف الشعر الذي يكتب في الأهرام -لمن لا زال يحتفظ بمعجزة امكانية قراءتها- قصيدة كل يوم جمعة..بعبارة أخرى لن أكتب لأني أحتاج الكتابة.. بل سأكتب طالما أن الكتابة تحتاجني..! ولن أكتب إا كانت كتابتي تشبه كتابة اي أحد اخر.. فإني على ثقة أن ذلك الآخر سيؤديها أفضل مني..!!
عزيزي كل مدون أو كل قارئ: لا تضع نفسك إلا حيث لا يمكن أن يوضع إنسان آخر غيرك.. أي لا تضع نفسك إلا في مكان يحمل اسمك عليه..

وإن لم تجده.. اصنعه..!

باي باي حكاوي الفحماية..

ده محتوى الشات بوكس من ساعة ما اتفتح… الأقدم تحت والأحدث فوق

1 يول 08, 23:17 خير زاد: بص يا فيصل ، إمعانًا فى تدويخك ، زى ما بتدوخنا ما بين المنتدي والمدونة ، أنا هارد علي المنتدي … ابقي خدلك موتسكيل من بتوع التشريفة وتعالي الحرة

1 يول 08, 10:04 أحمد فيصل: وعليكم السلااام وأشكرك بشدة على التواجد الجميل.. على فكرة لو بصيتي على يمين الشات ح تلاقي مدونة…!! احب اشوف رأيك وتعليقاتك على مشاركاتها.. دام لنا قلمك

1 يول 08, 09:52 خير زاد: الرسالة نسالذن حضرتك عشان نطل علي المنتدي. سلام عليكم

1 يول 08, 09:51 خير زاد: السؤال بقي ! من لهذا ” السلاام ” بعد كده ؟

1 يول 08, 09:50 خير زاد: وبعدين يا اخى فيصل انت عليك تعبيرات مميزة خصوصا مع حد اسمه ” سلالالام ” كانت كتاباتها بتفقع المرارة فلازم اى تعليقات علي كلامه تتقرا لحد لما نلاقي حد يعرف يفقع مرارتها تماماً

1 يول 08, 09:48 خير زاد: وبعدين يا اخ فيصل انت ولا مشاركة تقريبا الا ما تكتب دام قلمك دام قلمك

1 يول 08, 09:48 خير زاد: باقول انا عضوة من فترة فى المنتدي

1 يول 08, 09:48 خير زاد: لما انت لقيتنى قلت دام قلبك ما اخدتش بالك باقولك لحضرتك ايه ؟

1 يول 08, 09:47 خير زاد: اهوه كتبنا الاسم كامل عشان ما تزعلش

1 يول 08, 09:27 أحمد فيصل: وبعدين الله يكرمكوا يا جماعة ابقوا اكتبوا اي أسماء بدل “أحد” و”واحدة”.. ممكن تكتبوا الحروف الأولى زي برنامج حياتي بتاع زمان..

1 يول 08, 09:26 أحمد فيصل: “وحده” أيوه يا واحدة صباح النور مالك مستغربة قوي كده..؟ انتي بتكلميني 7 الصبح وانا أكيد نايم…!! عموما انا صحيت دلوقت

1 يول 08, 09:23 أحمد فيصل: خير زاد: بس انا ملاحظ انك دارسة لغتي جدا.. زي “دام لنا قلمك” و”موتوسيكلات التشريفة” إلى آخر مساهماتي في اللغة..! مجرد ملاحظة…

1 يول 08, 09:21 أحمد فيصل: خير زاد: هي من ناخية متراقبة فهي متراقبة.. أنا اللي مراقبها ضد موتوسيكلات التشريفة والعربيات اللي وراها..

1 يول 08, 07:27 وحده من الناس: ؟؟؟؟؟؟؟؟؟؟

1 يول 08, 07:27 وحده من الناس:

1 يول 08, 07:26 وحده من الناس: ؟؟؟

1 يول 08, 07:26 وحده من الناس: مررررحبآآآ

1 يول 08, 07:25 وحده من الناس: صباح الخير

30 يون 08, 14:15 من أعضاء المنتدي: بتوع التشريفة

30 يون 08, 14:15 من أعضاء المنتدي: سؤال برئ ؟ ممكن يكون الناس مش بتشارك هنا فى المدونة خوفا من ان تكون المدونة متراقبة ؟؟ من الناس اللي سمتهم بتوع التريفة؟

30 يون 08, 14:12 من أعضاء المنتدي: ان شاء الله تلاقيها علي المساحة الحرة يا اخ فيصل ودى ممكن تشوفها من غير تسجيل ، وننقل الكلمتين كمان بتوع زرياب ” زى بعضه “

30 يون 08, 12:26 أحمد فيصل: إلى الأخ زرياب اللي ما بيقراش مدونتى.. نظرة يا عزيزي للأعضاء غير المسجلين الذين اصبحت أنا منهم الآن..! فأنا غير قادر على مشاعدة الفديوهات ولا منتدى الشكاوى.. ومش ح اسجل دخول للأسباب التي شرحتها!

30 يون 08, 12:23 أحمد فيصل: لا تترددي أو لا تتردد في نقل أي شيء من هنا للمنتدى.. فأنا أكتب هنا ليقرأ من في المنتدى ولذلك وضعت رابط المدونة في توقيعي.. تحياتي

30 يون 08, 11:22 من أعضاء المنتدي: اخ فيص ..ز تمحلي انقل الخبر ده للمنتدى ؟ ولا بلاش؟

30 يون 08, 11:20 من أعضاء المنتدي: تسسسسسسلم من كل سوووووورء

30 يون 08, 10:54 أحمد فيصل: دعواتك معانا.. الاتصالات جارية حاليا..

30 يون 08, 06:10 من أعضاء المنتدي: هوه مش انت واسطة برضه عنده يا اخ فيص ؟ ؟ حاول ربنا يكرمك بدل ما نلم هدومنا ونطفش احنا كمان

29 يون 08, 20:35 أحمد فيصل: للأسف إجابة السؤال ده عنده هو.. لو كانت عندي انا كنت ارتحت من زمااان..!

29 يون 08, 19:56 من أعضاء المنتدي: طيب ليه أ . عبد الرحمن ما يدخلش تانى المرة دي ويوقف المهزلة دي هناك؟

29 يون 08, 19:55 من أعضاء المنتدي: ااه خلاص اخذت بالي من التذيل بتاع المقاالة

29 يون 08, 19:54 من أعضاء المنتدي: الاخ احمد هوه مقال ” من خارج السور” ده مقالك انت ولا مقال أ . عبد الرحمن ؟

29 يون 08, 04:19 أحمد فيصل: لو كل كلب عوى ألقمته حجرا… لأصبح الصخر مثقالا بدولار…!!!

27 يون 08, 20:05 أحمد فيصل: …من غير زعل: ألغينا منتدى الثقافة الجنسية… لكننا سمحنا بالعهر…!!!!

25 يون 08, 13:51 أحمد فيصل: نمر مجهولة كتيرة قوي بتطلبني وما بلحقش أر عليها.. والنهاردة لما جيت اتناصح وطلبت نمرة طلبتني وانا نايم طلع سنترال..!!

24 يون 08, 16:50 أحمد فيصل: ….ولا أنزه نفسي ولا أزكي على الله أحدا..

24 يون 08, 16:48 أحمد فيصل: علم وبلغ ومتفق معاك تماما.. وأنا لا أكتب ما أكتبه إلا لأني متغاظ من نفس الأشياء..! هدانا الله جميعا..

24 يون 08, 01:19 أحمد فيصل: يا “مش مهم” أنا عارف ان الأسلوب السخيف ده مش ممكن يطلع إلا من واحد بس في الدنيا.. اتلم أحسن بدل ما اصرف نظر خالص عن موضوعك اللي بادرسه اليومين دول!!!!

24 يون 08, 01:07 مش مهم: هههههههههههههههه يارب ياخويا يارب

23 يون 08, 22:29 أحمد فيصل: ذات الأرقام: لا تتجنني ولا حاجة.. أنا حطيت مشاركة عن طريق الخطأ وحذفتها..! مشترك في منتدى ما بيدعمش الفاير فوكس فبنسق المشاركات هناك ودست حفظ غلط

23 يون 08, 16:51 أحمد فيصل: نأسف لهذا العطل الفني.. تجدون إجابات أسئلة أعضاء منتدى عبد الرحمن يوسف على البوست المعنون “نتكلم بقه”

23 يون 08, 16:33 أحمد فيصل: هههههههههههههههههههه يخرب بيت شيطانك وربنا يكتر من زغازيغك

23 يون 08, 02:10 مش مهم: هههههههههههههههه بس كده

23 يون 08, 02:07 مش مهم: ههههههههههههههه بس كده

20 يون 08, 02:56 أحمد فيصل: أحب أعرف حضراتكوا إنكوا ح تشوفوا على مدونتى ف الكام اسبوع اللي جايين دول أيام سوووودة..!!!

15 أبر 08, 20:50 أحمد فيصل: اليوم ارد على كل البوستات القدديمة في مدوناتي الثلاث.. أي حد كتب لي رد يلحق يشوفه

15 أبر 08, 20:44 أحمد فيصل: ابقوا فكروني اقفل الشات ده

15 أبر 08, 20:44 أحمد فيصل: وبما اني خلاص تأكدت ان اللي باكتبه بيوصل بالمعنى الحرفي للكلمة فسألأحرص بدلا من التوقف عن الكتابة على الاستمرار فيها..! تحياتي

15 أبر 08, 20:43 أحمد فيصل: سلام كبييير جدا من قلبي لكل الناس اللي دخلت هذه المدونة 1032 مرة.. لإيمو وسامح وبونجو وأميرة وكل الناس..

13 مار 08, 22:06 emoo: اهلا يا فصيل انا مريت من هنا قلت اسلم بقالك نص قرن مكتبتش حاجة …ضحكنا كتير هناخد السنة كلها ضحك ولا ايه

12 مار 08, 05:49 سامح جميل: ازيك يا فيصل … والله واحشنى

13 فبر 08, 02:46 Bongo: Nice Blog

20 أكت 07, 13:33 Ferris: unbelievable video http://themymoviessite.com/movie/white/0/13/557/3/

11 سبت 07, 23:34 أميرة: طب عايزة اعرف الموضوع علشان لو اعرف ادي فيه ابقي معاكوا. و كمان ما قلتلناش ايه اخبار الامتحان يا رب خير؟؟

9 سبت 07, 04:20 Education at KnowledgeValley: http://education.knowledgewalley.com – Articles about education

5 سبت 07, 21:21 أحمد فيصل: على فكرة.. عندي مشروع مدونة عايز ٣ مغامير قلبهم ميت يساعدوني فيه.. هو حاجة قريبة من “كلام سيما” بس في موضوع تاني خالص..مين معايا؟ “ملحوظة: إبراهيم عادل وجوده أساسي”

5 سبت 07, 21:19 أحمد فيصل: غلس براحتك يا جميل…

5 سبت 07, 21:18 أحمد فيصل: مين الغلس اللي بيحط إعلانات على المدونة بتاعتي..؟؟

31 أغس 07, 01:02 اميرة: انا جيت اهه ….بس معايا ساندوتشاتي و قهوتي كمان بس هاقعد غلاسة

30 أغس 07, 22:48 Educationpro: http://boards-of-education.com – News and articles about international education, US education, etc

30 أغس 07, 22:48 KnowledgeValley: http://knowledgewalley.com – Articles about everything

27 أغس 07, 15:39 ehzvm uvfdm: ازيك يافيصل ايه اخبارك اللى حكيت لك عليه حصل قوللى امتى بتكون موجود فى الفحمايه بتا عتك على شان اهويلك

17 أغس 07, 23:03 أحمد فيصل: أهلا يا ثائرة ولعتي الفحماية.. بس أنا لسه ما افتكرتش.. عروستي..؟

16 أغس 07, 16:48 ثائره عربيه: مين احكى

16 أغس 07, 16:47 ثائره عربيه: انت فين من زمان ياراجل

16 أغس 07, 16:45 ثائره عربيه: ازيك يافيصل على فكره انا اعرفك كويس

16 أغس 07, 16:43 ثائره عربيه: ممكن اولع معاكم

12 أغس 07, 21:19 أحمد فيصل: السندوتشات عندك جوه في التلاجة بالكوم.. أما القهوة فسيادتك محرومة منها لأنك يوم أمسية طلبة رجعتيوما جيتيش بعد ما وصلتي السيدة عائشة بالفعل..! الخميس الجاي نتحاسب ويمكن بعد كده تقدري على تمن القهوة..

11 أغس 07, 05:57 أميرة: انا انا عايزة اممم فنجان قهوة مضبوط هه و ساندوتشين جبنه رومي

3 أغس 07, 16:54 أحمد فيصل: لسه بفكر لك ف إجابة يا رضوى.. عشان بس ما تفتكريش اني أهملت السؤال…!

30 يول 07, 12:27 أحمد فيصل: الفحماية نورت بيك يا أستاذ محمد.. سحلب ف الخلاط للباشمهندز….

26 يول 07, 08:13 محمد العدوي: طب بس بالراحة لحسن المية تيجي على البنطلون دا لسة مكوي ومكملناش تمنه .. بنور الفحماية بس

25 يول 07, 13:04 أحمد فيصل: بسم الله…. رش مية ياض ورص الكراسي للزباين…. يللا إرغوا بقه..

ودي الرسايل اللي كانت موجودة ساعة ما قفلته
.. الأقدم تحت برضه و يأتي بعد أحدث رسالة من المجموعة اللي فوق

يول 08, 17:46 أحمد فيصل: ألا تبا لكل متكبر متأله..!!

10 يول 08, 17:46 أحمد فيصل: وانا بقه من الجهلة أم من الزنادقة..؟! ما هو طبقا لكلامك لا يوجد ثالث…!!

7 يول 08, 15:42 أحمد فيصل: انتي كده جبتي الزتونة بتاعة الموضوع

7 يول 08, 15:33 أحمد فيصل: الله يرحمه..!!

7 يول 08, 07:48 خير زاد: لا استطيع – علي الاقل الان – ان اقول اي شئ عن ما جرى وما يزال يجري علي صفحات المنتدي سوى ” الكلام انتحر “

7 يول 08, 07:48 خير زاد: ألهمك وألهمنا وألهمهم الرشد

6 يول 08, 23:52 أحمد فيصل: خيرزاد: تصحيح بسيط..!:..مهما يكن.. فمن يلتزم الأدب مع رئيس خائن، أفضل ألف مرة ممن يفقد الأدب مع الله نفسه..!! تحياتي وعذرا للصداع..

6 يول 08, 23:49 أحمد فيصل: خيرزاد:..مهما يكن.. فالتزام الأدب مع رئيس خائن، أفضل ألف مرة من فقدان الأدب مع الله نفسه..!! تحياتي..

6 يول 08, 23:48 أحمد فيصل: خيرزاد:..سواء كانوا ممن أغمضوا عيونهم أو ممن عدموها أصلا.. لأن من أغمض عينيه قد نساعده على فتحها أو قد يدرك هو أهمية فتحها نظرا لما يسمعه من أصوات كثيرة..! لكن من هو بلا عيون نعمل له إيه..؟ مهما يكن..

6 يول 08, 23:44 أحمد فيصل: خيرزاد: المشكلة ان العالم اعقد بكتير جدا مما نتصور..ولهذا قد لا نستطيع -في البداية- فهم موقف من يغمضون عيونهم عمدا إلا بعد ان نواجه من يعيش بلا عيون أصلا..!! ولهذا معنديش أية مشكلة مع ضيوف مدونتي..

3 يول 08, 12:35 أحمد فيصل: كلام جميل.. وربنا يوفقك للخير دايما..

3 يول 08, 10:10 علاء: حالة تربص وتحفز لكل من يحمل فكر مغاير ومخالف,الحقيقة انا سئمت و مليّت من ذوى الحناجر النافرة,اللى مفيش فى كلامهم الا التشنج والتكفير لكل خلق الله..تقبل تحياتى

3 يول 08, 09:53 علاء: يااخ احمد,الواحد كل مدى نظرته للاموربتتغير ,اشياء كتير الواحد كان بيعتبرها من المسلمات والبديهيات وبعدين يكتشف انها مش كده,وان كل شئ قابل للنقاش بهدوء وعقلانية,ولكن اللى حاصل فى المنتدى دلوقتى غير كده

2 يول 08, 23:08 أحمد فيصل: الرسالة

2 يول 08, 23:07 أحمد فيصل: يا ام بدوي بلااااش..!! أنا بقول احسن يا علاء تروح تشوف اللي ف المنتدى يمـــــــــكن تغير رأيك..!

2 يول 08, 22:58 أحمد فيصل: أشكرك بشدة يا خير زاد على فكرة انا كتبت لك شكر في المنتدى..!!

2 يول 08, 11:41 علاء اسد: الاخ الفاضل والمحترم احمد فيصل اوافقك تماما فيما ذهبت اليه فالامر فعلا اصبح مهزلة

1 يول 08, 23:20 خير زاد: اى نعم الخط صغير علي الاخر وعين راحت علي ما قريته – ولسه راجعه حالا – بس شوفتها

1 يول 08, 23:19 خير زاد: يعنى انا شوفت عمود الشات ده اللي عامل زى صباع البقسماط … يبقي مش هشوف البوستات اللي واخدة تلات اربع الشاشة

1 يول 08, 23:17 خير زاد: وبعدين انت حضرتك بتوصفلي مكان الوستات وتقلي علي اليمين ؟؟

إذن فليغلق الشات بوكس ولتنفخوا معايا ف الفحماية..!