مش بمزاجي والله، لكن الدومين القديم اخترق وشوية حوارات كده

وربنا كرمنا بده

اتفضل هنا في

www.aldarweesh.org

حسيتوا بأي حاجة..؟ D:

مولد الحبيب

يوم مولدك يا رسول الله… النور في مكة انتشر
فرّح قلوب كل العباد… فرّح قلوب كل البشر

سيدي الإمام الجازولي رضي الله عنه وأرضاه

أحب طفلة
طفلة بجد
بكل ما تعنيه الحاجات من معاني
يعني بتحب تلعب طول الوقت
بتموت اذا اظهرت قدرا ملليمتريا من التعاطف مع أي حد تاني
بتعتبر الانشغال عنها جريمة يعاقب مرتكبها بساعات من العياط المتواصل أو ما يعادله عند الأطفال الكبار
انا ما كنتش بحب الأطفال، مطلقا، حتى لو دخلت المترو ولقيت طفل بيعيط في العربية أنزل في أول محطة واركب اللي جنبها
لكن دلوقت انا بحب طفلة
ومقدرش اسيبها
لأني، على عكس ما هي متوقعة

بحبها قوي
وبرضه بكل ما تعنيه الحاجات من معاني
جااااااااي منك يا شيخة

لا أعرف أين المشكلة..
قد يفشل الإنسان، وهو أمر طبيعي كنجاحه أو أكثر..
لكن أن يفشل الإنسان ويرتبط فشله بخذلان صديق عزيز، فلا يشعر -مطلقا- بالفشل، الذي يتضاءل أمام خذلان الصديق..
هل هذا طبيعي..؟
أهي رحمة من الله ألا يجمع على القلب ألمين عظيمين..؟
هل لأن الفشل لا يمكن استدراكه في جين أن الخذلان يستدركه صفح الصديق ورأفته..؟
هل لأن الفشل علاقة بين عمل وهدف بينما الخذلان علاقة بين إنسان وإنسان..؟
ألا يعرف الإنسان قدرته على إتمام عمل قبل البداية، في حين يعرف موقعه من قلب صديقه..؟
لماذا لا اشعر الآن إلا بأني خَذَلت ونسيت أني فشلت..؟
أهو تبلد أم زيادة في الإحساس..؟
ولماذا ليس للحس قياس..؟
..لست أدري..!

الفقير أتشرف بدعوتكم لحضور الحفل الختامى لمهرجان النشر الجماعى الاول

الحفل يوم الجمعة الموافق 19 فبراير 2010
نرحب بحضوركم من الساعة الخامسة
بالحديقة الملحقة بمركز محمود مختار الثقافى

* سيعرض فيلم قصير عن نشر جماعى اخراج شيرين طلعت

* و سيتم تكريم لجان التحكيم التى شرفتنا فى الموسم الاول

القصة:
أ/ هويدا صالح – أ/ اسامة فرج – أ/ أحمد سعيد .
الشعر:
أ/ بهاء جاهين – أ/ سالم الشهباني – أ / د. . محمد ابراهيم طه -أ / عبد الحسيب الخناني .

* و تكريم الفائزين بالنشر فى مجال القصة و الشعر

* و يختتم الحفل بعرض لفرقة المولوية المصرية بقيادة ا/ عامر التونى

على جنب:

سبب الدعوة اني احتمال ابقى احد الفائزين وأن يكون لي قصة في كتاب القصص “دون حذاء افضل”

عاجبني جدا الاسم، تقريبا بوش ح يخطب في الحفل

على جنب 2:
اللي طالبة معاهم قوي استقبال البرادعي، الحفلة من 4 إلى 10، يعني يوووم مفتوووح، معاكوا طول النهار، مش ح تفلتوا يعني، إلا لو كان الأمن له رأي تاني طبعا

مشكلتنا أننا نهتم بتجفيف اللحظات للاحتفاظ بها أكثر مما نهتم باللحظات الطازجة..!

نفضل أن يكون الحب يوما في العام، على أن يكون عمرا نعيشه في الدنيا…

نفضل تجسيم الحب في دبدوب ووردة وقلب، عن إطلاقه كحمامة بيضاء -مش فاهم مين اللي قال ان الحب لونه أحمر- تغدو خماصا وتروح بطانا…

قل لمن يجعل للحب عيدا في يوم واحد: ألم تر أن الجمال موجود في كل يوم..؟؟

وصــرح بإطـــلاق الجـــمـــال ولا تــقـــل
بــتــقـــيــيــده مــيــلا لزخــرف زيـــنـــة..!

لاستعماله كما هو يمكنك الضغط عليه بالزر الأيمن للفارة واختر حفظه على الجهاز أو نسخ رابطه
كود المصدر في صيغة الـGimp
وهو متاح تحت رخصة Creative Commons
تحياتي

Filed under: Projects, مشاريع Tagged: Gimp, تصميمات, جرافيك, شعارات ]]> http://faissl.wordpress.com/2010/02/05/arahman-web-button/feed/ 0 Ahmed Faissl http://faissl.wordpress.com/2010/02/03/%d8%aa%d8%b9%d9%8a%d8%b4-%d9%88%d8%aa%d8%a7%d8%ae%d8%af-%d9%85%d9%8a%d8%aa/ http://faissl.wordpress.com/2010/02/03/%d8%aa%d8%b9%d9%8a%d8%b4-%d9%88%d8%aa%d8%a7%d8%ae%d8%af-%d9%85%d9%8a%d8%aa/#comments Tue, 02 Feb 2010 22:33:24 +0000 Ahmed Faissl http://faissl.wordpress.com/?p=689 ]]>

الصباغ متحدثا عن الضرب في الميت

تحديث:
مش تقولولي يا جدعان ان سحر غريب هي سحر حماتي ملاك..؟
سايبينني طالع كده لا كلاكس ولا إشارة، ينفع طيب.؟
عموما ده طبعا خبر جميل جدا، ويزيدني إصرار على المجي
وآدي غلافها اللي ما كنتش لاقيه

تعيش سحر وتاخد غيرها

—————–

هنا الفحماية العظمى
نقطع إرسالنا التدويني -التعبان أصلا- لنذيع عليكم هذا البيان التالي
أنا ظاهر عندك في الصورة يا بني..؟ طيب ح اعمل عبيط واصدقك
السبت 6 فبراير الساعة 4 ح تحصل حاجة في غاية الأهمية
حفل توقيع كتاب الضرب فى الميت لـ أحمد الصباغ وكتاب تعيش وتاخد غيرها لـ سحر غريب
مبروك للصباغ اللي ح يتحول من صاحب مدونة وصحفي وكاتب ومصور ومصور ومصور ووان مان آرمي إلى صاحب كتاب
ومبروك لسحر اللي مش فاكر شفتها وللا لأ لكن اسمع عنها كل خير
المكان
فى معرض الكتاب سراى كندا دار ليلى
وبمناسبة سيرة ليلى
كلنا أحمد وسحر
وعايز اقول يا ريت نستغل الحدث ده كلقاء تدويني يعوض اللقاء اللي فات اللي -خلينا نقول- ما أعلنش عنه بشكل كفاية لدرجة ان حد متابع زيي ما عرفش بيه إلا بعد انتهاءه
وأعتقد ان فرحتنا بأحمد وسحر، ووجودنا في معرض الكتاب اللي هو أصلا البيئة الطبيعية لمعظم المدونين
أعتقد ان كل ده ح يساهم في تصفية النفوس وإزالة أي حزازيات ممكن تكون موجودة
تحياتي
ستوووب، اقفل وروح يا بني

الوطن الكورة

تحديث 1: 28 يناير، 2010 الساعة 9:48 م
بعد التدوينة

لأ وخلي بالك، مفيش مناسبة أهم من تشخيع مصر، مفيش أيييييييييييي مناسبة أهم من تشجيع مصر، المسيحيين في نجع حمادي يتقتلوا يولعوا عاااااادي لأن مفيش مناسبة أهم من تشجيع مصر، سينا تغرق تندعق مش موضوعنا لأن مفيش -يا بهايم يا قلالاة الوطنية- مناسبة أهم من -دوم دوم دومدوم، مصر- تشجيع مصر، افخم مطار في مصر سقفه يقع من كوبايتين ميه مش مهم، لأن مفيش مناسبة أهم من تشجيع مصر، أظن ح تقول لي غزة والحدود والإسرائيليين اللي بيتمسكوا بجرايم ويرجعوا بلدهم في الكتم وفي المقابل نلفق تهم لحزب الله وحماس، ح افضل اعلم فيك لإمتى..؟ مفيش مناسبة -دوم دوم دومدوم مصر- أهم من تشجيع مصر.. ولا عمرو أديب اللي مرمط بكرامة كل مصري الأرض في حوار خالد مشعل..؟ كمان بتكره عمرو أديب..؟ غريبة مع أنه بيقول مفيش مناسبة أهم من -دوم دوم دومدوم مصر- تشجيع مصر…

ولا انت فاهم حاجة، انت مش وطني على فكرة، فين فانلة المنتخب..؟ فين العلم..؟ الرسم على وشك مش واضح ليه..؟ كنت فين ساعة ماتش الكاميرون..؟ تلاقيك كنت بتشوف الجزيرة ولا أي قناة تانية بيتها من قزاز و-ياي- بتقول اللي بيحصل وما بتقفلش ع النشال لحد ما يخلص مع الزبون زي ما بنعمل مع إسرائيل في غزة، ما انت مش مقدر -هاقول لك إيه يعني- ان مفيش -دوم دوم- مناسبة -دومدوم- أهم من تشجيع -مصر-..!!

آه، ما هي الوطنية كورة، والموت في سبيل الكورة، ويقال فعلت هذا لله وللكورة أي ببلاش، وتحية الصباح لعلم اتحاد الكورة، وحب الكورة فرض عليا أفديه بروحي وعينيا، ورسمنا على القلب وجه الكرة، لعيبة واستادا وكورنر جميلا، ويعني إيه كلمة كرة يعني كاف وراء وهاء.. هاااااء.. هااااااء، أعوذ بالله من الشيطان الرجيم…
ده انا على كده استشهادي بقه، الطمي يا انشراح بس بالراحة عشان خدود الشباب السيس ما بتستحملش..

تحديث ١:
صاحبي الجميل محمد علي تفاعلا مع التدوينة دي كتب تدوينة برضه لكن بما أنه كاتب منتديات وليس مدون فقد كتبها هــنـــا
ربنا يخليك ليا يا جميل

على جنب 2: التدوينة نقلا عن نوارة نجم، سأحاول متابعة التحديثات..

تحديث:

خلاااااااااااااااااااااااااااااااااااااااص كلهم في البيييييييت الحمد لله، باكلم ماك طبعا تلاقيه بيشخر وفي سابع نومة، وكلمت اميرة الطحاوي الاستاذة في الشغل

!!!!!!!!!!!!!

حنفي مطبق ورديتين

ما نزلوهمش في اقسام ولا حاجة الحمد لله نزلوهم في القاهرة على طول كده

حمد الله على السلامة
تحديث:
طبعا عرفتوا ان الشباب اخدوا اخلاء سبيل وهم دلوقت في ميكروباصات راجعين القاهرة لسه بقى مش عارفين ح يسيبوهم على طول وللا ايه؟
دعواتكوا

تحديث:

البنات ح تبات في مستشفى قنا والولاد ح يباتوا في الحجز

تحديث بالاسماء كلها:

1-اسراء عبد الفتاح
2– وائل عباس
3- باسم سمير عوض
4- باسم فتحى محمد
5- احمد بدوى عبد الحميد
6– شريف عبد العزيز محمود
7- ماريان ناجى حنا
8- مصطفى أحمد محمد النجار
9- رؤى ابراهيم غريب
10- ناصر فتحى على
11- خالد محمود محمد
12-طلعت الصاوى
13- نادية الزينى بارونى “فرنسية”
14- أميرة الطحاوى اسماعيل
15-سلمى علاء الدين عقل
16- أحمد محمود مصطفى
17- اسماعيل سيد عمر
18- منى فؤاد أحمد
19- أحمد فتحى محمد
20- بولا عبده أمين
21-حسام صابر على
22- حمادة عبد الفتاح محمد
23-جمال فريد
24-محمد خلف محمد
25- الحسينى سيد أحمد
26-محمد حمدى حسن
27-محمد عبدالله محمد
28- حشمت محمد عبدالله
29- طارق صبرى عبد الله
30- شاهيناز محمد صلاح

تحديث:
الانتهاء من التحقيق مع سبع بنات وتأجيل التحقيق مع الشباب للغد
كلهم ح يباتوا
انا ما كنتش متوقعة كده ابدا، ابدا، ابداااااااا، ليه؟ ليه؟ هم عملوا ايه؟ ما عملوش حاجة، ما عملوش حاجة خالص، ايه اللي حصل لده كله؟ ايه لازمة النيابة اصلا؟ دول ما عملوش حاجة، دول اخدوهم من محطة القطر يا ناس، انا مش مصدقة نفسي
مش ممكن اللي بيحصل ده، مش معقول، دول بيعزوا، كانوا رايحين يعزوا
بكرة فيه وقفة احتجاجية عند النائب العام ان شاء الله الساعة 12 لتقديم بلاغ للنائب العام بخصوص القبض على ناس رايحة تعزي


توضيح:
كل التهم الموجهة الى النشطاء تنطبق تماما على علاء مبارك اثناء واقعة الجزائر

ارجو ان اللي سرى على الشباب دول يسري على علاء مبارك في دولة القانون

مش هو قال انه مواطن مصري عادي زي سواقين التاكسي؟

تحديث: من عند كريم البحيري
انتهت النيابة الكلية بقنا حتى الان من التحقيق مع ثلاث فتيات من اصل ثمانية وهم شهيناز عبد السلام وسلمى عقل ومنى فؤاد طبيبة من سوهاج ووجهت النيابة لهم ثلاث اتهامات وهى 1- الانضمام الى جماعة الغرض منها الدعوة الى تعطيل القوانين ومنع أحدى السلطات العامة من ممارسة عملها والإضرار بالوحدة الوطنية وكان ذلك بالترويج بالقول 2- الجهر بالصياح لأثارة الفتن 3- الأشتراك مع أخرين فى تجمهر مؤلف من أكثر من خمس أشخاص بغرض التأثير على السلطات العامة فى أداء عملها وبغرض تعطيل تنفيذ القوانين واللوائح مع العلم بالغرض من التجمهر وأرتكاب تلك الجرائم نفاذا لهذا الغرض
وفى سياق متصل مازال استمرار عرض الفتيات على وكلاء النيابة بالأضافة الى الشباب الذى علمت المدونة انهم موجه لهم تهمتين الأولى هى ترديد شعارات معادية وثانيا التحريض على التظاهر
تلك هى المعلومات المتوفرة حتى الان وسيتم عرض باقى المعلومات حال توفرها

توضيح:
نادية ما طلبتش اننا نتصل بالسفارة الفرنسية، ولا اقترحت الاتصال بيها، ولا حتى تعرف اننا بلغنا السفارة الفرنسية من اساسه
ده كان اقتراح حد على التويتر عشان من الاخر كده نتحامى في جنسيتها الفرنسية
يعني لما السفارة تعرف ان لها مواطنة اهو العيال المصريين ينوبهم من الحب جانب
ده الغرض يعني
احسن واحد عمالة افهمه على الفيس بوك وهو عمال يقول لي: يعني هي ما افتكرتش انها فرنساوية غير دلوقت؟ واعيد الكلام ومافيش فايدة


هي ما تعرفش اساسااااااااااااااا اننا اقترحنا ابلاغ السفارة من اصله، هي دلوقت بتتعرض على النيابة ومافيش اتصال بينا وبينها، ولا حتى استشرناها ولا بلغناها

ملحوظة:

كلنا قاعدين دلوقت ندعي ان نادية تطلع فرنسية بس وما عندهاش جنسية مصري عشان ربنا ينجيها

حبيت بس الطش قلمين كده وانا في السكة: قعدنا نعاير الجزائريين ونقول لهم يا احفاد نابليون.. ودلوقت بنتمناها، انا قلت لكوا الجزائريين دعوا علينا وربنا استجاب

تحديث:
السفارة الفرنسية قالت للناشطة ان لو نادية معاها جنسية مصرية مع الجنسية الفرنسية مش ح يقدروا يعملوا لها حاجة وانهم ح يتصلوا بالقنصل عشان يتأكدوا انها معاها جنسية فرنسية بس مش مصرية عشان يقدروا ينقذوها
عرفتوا بقى؟ لما تهاجروا شد السيفون على الجنسية المصرية في اقرب تلاويت
الجزيرة نشرت خبر زيارة شيخ الازهر لاهالي ضحايا نجع حمادي وتجاهلت خبر اعتقال النشطاء
القبيحة ست جيرانها يا مصر


تحديث:
يتم الان ابلاغ السفارة الفرنسية باحتجاز السلطات المصرية لناشطة فرنسية
الآن يعرض الناشطون على النيابة

تحديث:
انا خايفة.. هم عايزين ايه؟ عايزين منهم ايه؟ المقبوض عليهم اتقبض عليهم وهم نازلين من القطر، ودلوقت واحد على التويتر بيقول ان جرايد بكرة بتدعي انهم اتقبض عليهم وهم بيتظاهروا قدام الكتدرائية.. هم عايزين منهم ايه؟

تحديث:
الان يتم ترحيل النشطاء الى نيابة قنا الكلية بتهمة اثارة الشغب والتجمهر مع انهم قابضين عليهم وهم نازلين من القطر
فيه ناشطة فرنسية اسمها نادية زناني، انا حاولت اكلم السفارة الفرنسية بس النهاردة اجازتهم
بس اكيد فيه حد في السفارة، وللا ايه؟
نعمل ايه؟ على رأي فنون، نتحامى في الاجانب


تحديث:
اهالي نجع حمادي ليس لديهم ادنى فكرة عما يحدث للنشطاء… ما يحدث الآن هو اعلان رسمي من النظام المصري عن انه هو المسئول الاول والاوحد عن عزل اقباط مصر
تحديث:
المحتجزون يعلنون الاضراب عن الطعام
الامن مصر على نقلهم بسيارة الترحيلات وتخوف من نقلهم من قنا الى لاظوغلي
بعد المفاوضات، الامن يزعم انه سيفرج عنهم في العاشرة مساء

تحديث:
مديرية امن قنا تنكر وجود الناشطين لديها
بالطبع هم بالداخل، لكن اصرار المديرية على انكار وجودهم مؤشر غير مطمئن

تحديث:
بتوع القافلة رجعوا القاهرة.. هو انا كنت قلت عليهم هنا على المدونة؟ اه، كان فيه قافلة طالعة غزة اتقبض عليهم من الاسماعيلية بس رجعوا كلهم القاهرة الحمد لله
بتوع نجع حمادي لسه مافيش اخبار عنهم والبنات في حالة صحية سيئة جدا

تحديث:
الاكل اللي دخلته هالة المصري لسه ما وصلش، المفروض يخرجوا دلوقت، فيه تلات بنات اغمى عليهم، وفيه بنات كتير تعبانة
هم لازالوا في حجز الترحيلات مش في عربية الترحيلات
اسامة الغزالي حرب معتصم امام المديرية
فيه خمسة وعشرين ناشط معتصمين امام الصحفيين

تحديث:
نحن في انتظار الافراج عن المحتجزين وترحيلهم الى القاهرة عبر القطار
تحديث:
هنا كل اسماء المحتجزين وكلهم 23 واحد فقط ومعظمهم مش من حزب الغد ولا حاجة
فيه لغط في حجز البنات لانهم وعدوهم يفرجوا عنهم من ساعة ومش بيفتحوا لهم دلوقت
تحديث:
الامن مصر ينقل المحتجزين بعربية الترحيلات من قنا للقاهرة ومحامو هشام مبارك بيتفاوضوا على الافراج من مديرية ام قنا
هالة المصري دخلت لهم اكل بس ما شافتهمش
الا ان الاكل لحد دلوقت ما وصلهمش وفيه ناس ضغطها واطي وما اكلوش من الصبح


تحديث:
المحتجزون في الحجز، ماحدش بيكلمهم، المحامين قدام المديرية ومش عارفين يوصلوا لهم
اخدوا منهم كل متعلقاتهم الشخصية وحطوها في اظرف وحطوا الاظرف في كراتين
الحريق اتضح انه حرق بلاستيك
بيسألوا المحتجزين اذا كان حد عنده امتحانات او مراقبة على الامتحانات بكرة او بعده


تحديث:
انباء عن حريق في مديرية امن قنا والمحتجزين يطرقون الباب ولا مجيب
محامو هشام مبارك امام المديرية
———

اتصل بيا هاني جورج دلوقت صحاني على الخبر ده، هو قال لي كلهم، قلت له كلهم مين (لاني مش عارفة مين اللي رايح يعزي في نجع حمادي) هو عارف صحابه مريان ناجي وشريف عبد العزيز واحمد بدوي بس فيه ناس تانية كتير راحت وكاتبين الستيتوس على الفيس بوك

هم دلوقت هناك ومقبوض عليهم هناك
تحديث:
لقيت الاسماء من التويتر

1-اسراء عبد الفتاح
2– وائل عباس
3- باسم سمير عوض
4- باسم فتحى محمد
5- احمد بدوى عبد الحميد
6– شريف عبد العزيز محمود
7- ماريان ناجى حنا
8- مصطفى أحمد محمد النجار
9- رؤى ابراهيم غريب
10- ناصر فتحى على
11- خالد محمود محمد
12-طلعت الصاوى
13- نادية الزينى بارونى “فرنسية”
14- أميرة الطحاوى اسماعيل
15-سلمى علاء الدين عقل
16- أحمد محمود مصطفى
17- اسماعيل سيد عمر
18- منى فؤاد أحمد
19- أحمد فتحى محمد
20- بولا عبده أمين
21-حسام صابر على
22- حمادة عبد الفتاح محمد
23-جمال فريد
24-محمد خلف محمد
25- الحسينى سيد أحمد
26-محمد حمدى حسن
27-محمد عبدالله محمد
28- حشمت محمد عبدالله
29- طارق صبرى عبد الله
30- شاهيناز محمد صلاح

————
ولا عارفة هم اتقبض عليهم ليه؟ ناس رايحة تعزي
——-
تحديث:
لقيت ايمن نور بيقول ان الامن اعتقل تلاتين شاب وشابة من حزب الغد ومن ضمن الاسماء..إلخ
يارب يكون بعت لهم محامي لان هشام مبارك انا بعت لهم رسالة لانهم نايمين دلوقت

ولو فيه اسامي جديدة ح اقول لكوا

لكن أقصى ما كنت أتوقع أن نأخذه من النازي هو هوسنا بالدولة الإلهة وبالشعب الممتاز، لم أكن أتوقع أبدا أن نرتكب جرائم النازي حتى مع أعدائنا… لا مع… مع من؟ أشقائنا؟ ابناء عمومتنا؟ جيراننا؟ كل هذا يسفهه الفرعونازيين الجدد، مصر فوق الجميع، مصر لا أشقاء ولا أصدقاء لها إلا أمريكا وإسرائيل..!! لكن دعونا من أمر العدو الفلسطيني والحليف الصهيوني، مصر تقتل “بني آدمين” بالغاز في الأنفاق..!!

لكنه حدث، فطبقا لأخبار الساعة، مصر استبدلت غرف الغاز النازية بأنفاق الغاز الفرعونازية..!

هذا هو الخبر من مصدره بلا تعليق، أو بعبارة أدق بلا حاجة إلى تعليق…

قالت المنظمة العربية لحقوق الإنسان في بريطانيا إن السلطات المصرية استخدمت القوة المميتة في حربها على الأنفاق بين قطاع غزة ومصر، ومارست القتل العمد تحت الأرض بعيدا عن أعين العالم.

وأوضحت المنظمة في تقرير أصدرته الاثنين أنه “جرى توثيق 54 حالة وفاة قضى معظمهم بسبب استنشاق أنواع من الغاز السام تقوم قوات الأمن المصرية برشه داخل الأنفاق مما يؤدي إلى الاختناق والموت السريع”.

وأبان التقرير أنه “ليس معروفا على وجه الدقة نوع السلاح الذي تستخدمه قوات الأمن بسبب عدم وجود مقذوفات والأهم عدم توفر وسائل مخبرية في القطاع لتحديد ماهية الغاز”.

وأضاف أن “الحكومة المصرية لم تقف عند هذا الحد وإنما قامت باستخدام المتفجرات وضخ المياه العادمة وإحداث اهتزازات اصطناعية لهدم الأنفاق على رؤوس العاملين دون توجيه أي إنذار مسبق”.

وتابع تقرير المنظمة أن “الإجراءات المصرية تسببت بقتل عدد كبير من العمال داخل الأنفاق بشكل متعمد ومخالف للقانون الدولي باسم السيادة والأمن القومي”، قائلة إن “السيادة والأمن القومي لا تخول المسؤولين في الحكومة المصرية استخدام وسائل مميتة ضد الآخرين إنما يتوجب إتباع الإجراءات التي نص عليها القانون الدولي في مثل هذه الحالات”.

وأشارت إلى أن “الإجراءات المصرية على الحدود مع قطاع غزة تتم بإشراف ودعم كامل من قبل الولايات المتحدة وإسرائيل وغالبية دول الاتحاد الأوروبي، وهذا يفسر تمادي الحكومة المصرية في إجراءاتها وغياب أي انتقادات لهذه الممارسات على الرغم من فداحتها”.

وختمت المنظمة تقريرها بالتأكيد على أن الحكومة المصرية بهذه الوسائل حولت أجهزتها الأمنية إلى “أدوات مميتة” تنفيذا لتفاهمات أمنية لم تأخذ بعين الاعتبار قواعد القانون الدولي الإنساني مما ستكون له “انعكاسات قانونية وقضائية على المسؤولين في الحكومة المصرية”.

على جنب: تدوي بجواري الآن أبواق الكرة، هتافات مصر، والمقولة الحاسمة لبيبسي: مفيش مناسبة أهم من تشجيع مصر.. ودهشة شديدة من اهلي: لماذا لم أفرح بهدف أحمد حسن؟ ولماذا لا أشاهد “الماتش”؟؟

عبث… لا أكثر، غدا ستطير الكرة لتسد النفق، فينتشر الغاز، الغاز، نعم، الغاز الطبيعي الذي نبيعه لإسرائيل بالمجان دعما للمجهود الحربي الصهيوني، الغاز…، وأصيح للديدان في قبري: كنا مستضعفين في الأرض..!!

على جنب: أولا كل عام والدنيا كلها بخير بمناسبة ميلاد السيد المسيح، كنت عايز اكتب عن جريمة القداس في نجع حمادي -واللي متابعني على تويتر حيعرف ليه بقول جريمة مش عملية إرهابية- بس بما إن الحدث يدخل في سياق أسود شهرين مروا على تاريخ مصر، فبجد مش طالبة معايا النهاردة أستدعي نكد الشهرين اللي فاتوا لتفريغه في تدوينة، كفاية شربته كباية كباية قبل كده.. اللي عايز يعرف رأيي قوي يعني يروح لنوارة نجم، بتكتب كل اللي عايز اقوله عن أي حاجة، أعتبروني كده ماضي لها توكيل بالكتابة على بياض

نحيط سيادتكم عزيزي القارئ علما بأن أحد قصص الفقير قد فازت في مسابقة “نشر جماعي” التي خاضت مشوارا طويلا، طويلا، طويــــــــــــــ قوي يعني ــــــيــــــيييييلا على الفيس بوك ويعرفها على ما أعتقد نصف مستخدميه مثلا، يعني انا أذكر اني أرسلت لهم قصصي يوم 11 يونيو من العام المنصرم، وبعد ما احنا شخصيا قربنا ننصرم القيت السلة من بين السحب مدلاة بحبل وقيل: نط ياض..!

يعني إيه فازت بقه..؟- الله يمسيك بالخير يا استاذ حسن فواز يا ممثل منظمي المهرجان، فعلا لو كان أدلى بأي معلومة يريدها أن تظل سرا لكنت نشرتها هنا..! – المهم ان فازت دي يعني إما ستنشر في الكتاب المجمع الذي سيصدر في معرض الكتاب القادم، أو ستنشر في مجلة أو أكثر من اللائي -مش عارف جمع المؤنث ينطبق على مجلات وللا لأ- تعاقد المنظمون معهن..، واليوم كان توقيع العقد الذي يتضمن كل ذلك..

المجموعة المنظمة للمسابقة هي مجموعة بشر -بفتح الباء الموحدة والشين المثلثة وترك حركة الراء المهملة للمصحح اللغوي وهو وضميره بقه- للتنمية الفنية والثقافية، عجبني الاسم بتنكيره وعموميته، فكرني بمغامير اللي مقصر في حقهم وح افضل مقصر على فكرة لو فضلوا ثابتين على يوم الخميس، وانا بستغل هذا المزنق لمناشدتهم بنقل اجتماعهم إلى يوم الجمعة مثلا.. عجبتني أيضا حاجة حلوة قوي، إيمانهم بمبدأ المخابرات الشهير “المعرفة على قدر الحاجة” ولذلك يحتفظون باسم الكتاب المجمع سرا وكذا أسماء القصص التي ستنشر فيه، ولحد الشهر اللي فات مثلا ما كانش حد عارف ميعاد النتيجة أو خبر النشر في معرض الكتاب..! المهم ان الفكرة عجبتني باعتباري كادر سياسي مع وقف التنفيذ، وتعبيرا عن إعجابي ده سأحتفظ باسم القصة التي سيتم نشرها سرا :D

كان اللقاء في كافيتريا المكتبة الموسيقية التي لا أعرف أين تقع بالضبط في دار الأوبرا، وأثناء البحث فوجئت بباحث آخر أعرفه جيدا.. إنه الأستاذ كريم الصياد الشاعر والأكاديمي والمدون الذي اقترح المنهج التربوي لفاوست -فاوست فاوست مش صديقنا طه عبد المنعم – فرحت جدا خاصة انه كان أول لقاء بيننا منذ عامين تقريبا.. وأثناء المناقشة والحوار شربت قهوتي المضبوط الثانية لهذا اليوم، مش عشان بحب القهوة، لكن بسبب الإسهال الشديد الذي أعاني منه هو وشوية أمراض شيخوخة أخرى.. التالت بشربه دلوقت..!!

وفرحت برضه لما عرفت إن دار دوّن – بفتح الدال المهملة وكسر الواو المضعفة وترك النون لصاحب نصيبها- هي التي ستتولى النشر والتوزيع، تحية خاصة مني للأحمدين البوهي ومهنا

بجد حاجة فرحتني، وزي ما انتوا عارفين، هو الشاب اللي ف سني عايز إيه من دنيته..؟

أيووون، اسم الله عليك صح: الحج والنشر الورقي..

ما تيجي تمسك إيدي وتكتب بيها
مين عارف..؟
مش يمكن اللي ح تكتبه إيدي بعقلك يكون أحسن من اللي كتبته إيدي لعقلك..؟
مش ممكن إيدي عجّزت بعد 28 سنة قضت معظمهم كتابة..؟
مش ممكن تكون على الأقل انت بتفكر..؟
تعال كده اكتب بدالي
اكتبني
اكتب تاريخ مستقبلي على رأي عبد الرحمن يوسف

مش عارف أخلي ده بوح، ولا اعتراف، وللا تاج
أقولك احسن، خليه تاج
اكتب قصة حياتي خلال عشرة، عشرين، تلاتين، أربعين سنة من دلوقت
ده على اعتبار يعني اني ح اعيش كل ده
أي خدمات..؟
…
…
…
أه صحيح، انت ما تعرفش قصة حياتي في ال28 سنة اللي فاتت
ابتكر يا أخي، ابتكر..

***
على جنب: أنا كاتب قصة، ناصري قومي، متصوف، عندي فوبيا ارتفاعات، ما بعرفش اسوق عجل، مهووس بالتصحيح اللغوي والكمبيوتر، بقية التفاصيل منتوَرَة في أرجاء المدونة
عيش بقه

***
على جنب 2: البوست القادم ح اتكلم فيه عن ديانة جديدة اسمها عبادة مصر، وعن مصطلح جديد نحتته بنفسي اسمه “الفرعونازية” PheroNazism  وهو على أكثر التقديرات تفاؤلا، التيار الحاكم كمان شوية أو النظام الذي يتهيأ لحكم مصر، إعمل نفسك ما شفتش الملحوظة دي وركز في موضوع البوست لو سمحت..

***
على جنب 3: آه، تلاقيك بتسأل إيه التلج اللي نازل ده
ده تعبير ممعن في السخرية عن أزمة الهوية المقيتة اللي عندنا دلوقت، التي جعلتنا نرفض عروبتنا ونعلق أشجار الكريسماس وقلوب الفالنتين ونتخيل ان فيه تلج نازل…