عشق جوايا

برغم ان انتي ما حصلتيش..
حصلتي لي..!
برغم انك مع الأيام
– وبعد الذكرى عن حلمي
وبعد الحلم عن أيامي في الوحدة –
صبحتي مفيش
رجعتي لي..!
كأني عشقتك امبارح
بنفس طباعك اياها
ما تسمعينيش
لكنك تسمعي ليا..!
ما بتشوفينيش
لكن بتشوفي جوايا
يعدي المعنى ما الحقهوش بأفكاري
لكنك تأمريه يرجع
لأنك عارفة توهاني
وعارفة ضعف تركيزي
وجايز لما جيتي تضيعي فكرتي: ح ينساني..!!
وبعد ما ضعتي قلت أحب من تاني
سألت سوابق العشاق
قالوا لي استطعم الذكرى..!
ودقت.. لحد لما عرفت.
عرفت.. لزمت ذكراكي
كأني كنت بس باحب..
عشان من تاني اعيش حبك..
واقول انا كنت يوم ليكي
وكنتي لي…!!
برغم ان انتي ما حصلتيش
حصلتي لي..!
برغم ان انتي ما رجعتيش
لكن أول ما واحد صاحبي سمعني قصيدة حب
لقيت روحك بتنزل تسري في جسمي
بتتحدي بأعصابي وأهدابي وبرايا ومكنوني..
وكنتي..
وكنت..
وكنا بنرتعش م الوجد
كنا… بنبكي بعيوني…!!!!

أحمد فيصل
17 يونيو 2008
Advertisements

4 thoughts on “عشق جوايا

  1. احمد يا فيصل .. حرام عليك
    مؤلمة حد انها تمس جراحات القلب والروح معا

    تحياتي يا شاعر يا مغمور

    ميـــــنا

  2. ما خرح من جرح ينبغي له أن يمس جرحا آخر..!
    كل ما أتمناه ألا تنتشر العدوى بهذه الطريقة..!
    احتـــراماتي
    فيصل

  3. رائعة يا عم احمد

    كنت مخبي كل ده فين?

    ومااااااال يا انسان
    حقيقي جميلة ومختلفة
    من الاخر

    حقيقية

    تحياتى وشكرا

  4. رائعة يا عم احمد
    انتي الأروع يا فريدتنا..!
    كنت مخبي كل ده فين?
    عارفة إبليس مخبي ابن اخته فين..؟
    أنا كنت مخبيها ف جيب بنطلونه الشمال :))))
    ومااااااال يا انسان
    أنا مش فاهم غير “يا إنسان”
    بس طالما طلعت منك تبقى أكيد حاجة كويسة..!
    قيقي جميلة ومختلفة
    من الاخر

    حقيقية
    أهم التلات كلمات دول يعادلوا عندي ٣ دراسات نقدية متعمقة..!
    شكرا لأنك عديتي على مدونتي ف وقت ما كانت خربااانة
    أكيد القصيدة كانت عارفة انك جاية فحبت تقابلك هنا..!
    تحياتي المتواضعة..
    دخان يتلاااشى خجلا..!
    ملحوظة: إذا مش فاهمة جملة الدخان دي، راجعي أبجدية “نقطة ميه” بتاعتك :)))))))

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s