مقدمة ما لهاش لزمة ل: قصة ما لسة ما اخترتلهاش اسم…

مقدمة ليس لها علاقة بالنص:
أولا ما حدش يسألني ايه اللي انت بتكتبه ده… لأني- والله العظيم – أنا باكتب الكلمة ومش عارف ح اكتب بعدها إيه.. وأعتقد لو فكرت مش ح اكتب..!! اعتبروها قصة أو مجموعة قصصية أو هرطفة -من هرطف يهرطف فهو مهرطف وهرطوف- مدونين.. مستنيك يا خفيف يا اللي ح تقول: وانت من إمتى بقيت مدون ياض..؟ وح أقول لك أنا مدون غصب عنك..!

أولا أنا ليا مدونة في السوق – اللي هيه اللي انت بتقراها دلوقت – من يوليو 2007.. وقبل كده كان عندي “فيصل أباد” وقبل كده كان عندي مدونة وورد برس على سيرفر مجاني.. يعني قول بادون من منتصف 2006..
ثانيا مدونتي الرئيسية استقبلت حوالي.. ياااه ماشاء الله..! لسه النهاردة كاسرة حاجز الـ1300 زائر.. وهو رقم خرافي بالنسبة لإنسان لا ينتمي إلى النوع الاجتماعي…
ثالثا: أنا أعرف مدونين كتيير جدا.. وكده أبقى استكملت الشروط على كل المذاهب.. فأنا مدون عند من يعتبروا ان وجودك في التدوين يقاس بقدم مدونتك.. وأنا مدون عند من يعتبرون أن وجودك في التدوبن يقاس بعدد زوارك.. وأنا مدون عند من يعتبرون أن كونك مدونا يقاس بعدد المدونين الذين تعرفهم..!
بعد كل ده تقول لي مش مدون..؟ يا خي هو انا كنت بقول إيه..؟!
آه.. ممكن تعتبرها – بعد ما أثبتّ لك اني مدون- هرطفة مدونين.. وممكن تعتبرها استسلام مؤقت للبطالة.. وممكن تعتبرها اختيار إجباري لشخصض اختار عدم الزواج.. فإذا كانت Chocolate is better than sex, then writing is better than chocolate…!!!
وللا حد له طعم.. آ…. رأي تاني..؟
طيب أبدأ القصة هنا وللا ف بوست تاني..؟
ياللا ف بوست تاني زي بعضه..

Advertisements

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s