بريد الأب الروحي- The mailbox

المساحة الحرة للأب الروحي The Godfather’s Hyde park

تكنولوجيا بلوجر عقيمة جدا.. يعني اذا قارنته بـأي برنامج آخر مثل دروبال أو وورد برس أو جملة تكتشف أن تكنولوجيته بالفعل عقيمة عقيمة يعني مش ح تجيب عيال أبدا…
ولذلك حينما حاولت جعل هذا البوست مثبتا،

اضطريت لاستخدام طريقة صايعة شوية وهي جعل تاريخ البوست في نقطة بعيدة في المستقبل.. فتبقى كل البوستات التالية له تحت وهو اللي يفضل فوق أو هكذا أتصور..

وطبعا كل الكلام ده لم يعد له لزمة بعد ما نقلت هنا في ووردبرس.. يكفي جدا ان تريد البوست مثبتا لكي يصير كذلك 🙂 🙂
هذا البوست هو الساحة المفتوحة للمدونة.. اذا كان عندك تعليق لا يناسب أي بوست قرأته ضعه هنا.. اشكرني هنا.. نافقني هنا.. حبني هنا..اشتمني هنا.. بس بشرط.. من غير قلة أدب..!
والأهم من ذلك كله.. لو عندك اقتراح بموضوع اكتب فيه وعايز تشوفه هنا.. اطلبه هنا..
دمتم لقلمي
Advertisements

18 thoughts on “بريد الأب الروحي- The mailbox

  1. فكرة حلوة حكاية الساحة المفتوحة
    .
    مش عارفه ليه حاسة إنها اتفتحت مخصوص بسببنا ومن رغينا الي ملوش لازمة على البوستات القديمة . .
    هناخد حذرنا بعد كده
    .
    عموما مبروك واهو يحسسنا برضة بجو المنتدى والمساحة الحرة
    . .

  2. لا طبعا
    لأن أولا ما فيش -غالبا – تعليقات من اللي فاتت خرجت عن موضوع البوست وإلا كنت قلت ده
    لكن الاحتمال وارد جدا في المستقبل
    ثانيا البوست ده معمول عشان حاجات محددة

    عندك تعليق لا يناسب أي بوست قرأته ضعه هنا.. اشكرني هنا.. نافقني هنا.. حبني هنا..اشتمني هنا.. بس بشرط.. من غير قلة أدب..!
    والأهم من ذلك كله.. لو عندك اقتراح بموضوع اكتب فيه وعايز تشوفه هنا.. اطلبه هنا..

    يعني حاجات محددة.. ومش مساحرة حرة دي ساحة مفتوحة وده شيء مختلف خاااالص 🙂
    ثالثا وده الأهم: دي مش محاولة لتقليل لرغي بل هي محاولة لزيادته قدر الإمكان..! لأني لاحظت ان الزيارات كتيرة جدا والردود قليلة جدا.. ولما بحثت عن السبب تطبيقا على نفسي كالعادة لقيت اني باتلخبط جدا لو عندي حاجة عايز اقولها للمدون الغلبان اللي تعب نفسه عشان الشعب ومش عارف احطها فين.. فطلعت لي هذه الفكرة…
    ارغوا بس ما لكوش دعوة
    :))))))))))))

  3. حذفت الشات بوكس بالفعل
    اذا اردت الاطلاع على الكتابات السابقة ادخل هـنـا
    وإذا اردت كتابة حاجة جديدة اكتبها في رد على هذا البوست (اللي بتقراه دلوقت)

  4. انا اول مرة ازور مدونتك يا احمد وعاجبني اسلوبك جداا

    انا زعلت انك سيبت المنتدى رغم اني عضو مش نشط بس كنت بتابع المشاركات عموما اتمنى لك التوفيق

  5. كده المدونة بعد الصورة اللي علي الشمال دي بقت سياسية سياسية .

    انت كنت قولت قبل كده ان لازم يبقي فيه أدمن تانى لمدونة تموز عشان لو الادمن الاولانى تم اعتقاله ولا حاجة….صح كده ؟
    غالباً بدأت تمهد يا أستاذ
    يالا بالتوفيق

    سؤالي المعتاد لمن هم فى موقف حضرتك…
    بتحبوها بايه ؟؟؟
    سادة ولا بالمكسرات ولا بالشيكولا؟
    .
    .
    .
    أقصد الحلاوة الطيحينة

  6. Soliman
    أشكرك يا فندم والحمد لله اني مش محتاجها مع الوورد برس.. لأني اكتشفت ان موضوع التاريخ المستقبلي بيعمل مشاكل في أغلب ال Aggregators..
    hamees
    شكرا على الإضافة ولو إنك ما ظهرتيش من يوميها..
    خير زاد
    كل اللي ييجي منك كويس 🙂
    ربنا يطمننا عليكي

    المتمرده
    مش عارف لكن أنا عامله مخزن تعليقات مش أكتر.. يمكن فيه جمال وانا مش واخد بالي..!
    أشكرك

  7. عامية:
    وإن كان المغزى من السؤال هو ما رأيك فى فكر جماعة الاخوان المسلمين كفكر لا كجماعه
    السؤال ده أوحى لي بشيء مهم جدا.. إذا كنا ننظر للإخوان بشيء من التفرقة بين الفكر والجماعة.. فلماذا لا يفعل الكثير وخاصة الإخوان هذا مع الناصرية..؟! يعني هل يمكن وضع التجربة الناصرية أمام نظرية الثورة العربية لعصمت سيف الدولة كما توضع الجماعة أمام الرسائل..؟ مجرد خاطرة أوحى لي بها السؤال.. لكني لم أقرأ الرسائل إلى الآن.. قرأت الجماعة فقط..!
    نقطه أخرى انا أعلم أنك تركت المنتدى وأكيد كنا نستفيد من خبراتك الكثير لكن نتابع مدونتك كما كنا نتابع مواضيعك على المنتدى ولى رجاء ..بالله عليك يا أخ أحمد اتعب فى الكتابه علشان خاطر مصر سواء فى المنتدى أو فى المدونه المهم ان الهدف واحد وهذا لا يعنى أنى أتفوق عليك فى الوطنيه لكنى أذكر نفسى وإياك أن دخولنا على شبكة الانترنت تحت مسمى واحد هو أبناء مصر .. فلاتبخل على مصر بمزيد من الجهد كهذه المدونه الرائعه .. خالص محبتى وتقديرى ..
    قديما قال الأبنودي في الموت على الأسفلت:
    أنا موهبتي في لساني..
    ومش موهوب في شيء تاني..!
    فأنا واحد قرر من زمان إنه يدعم مصر العروبة بكل طاقته.. ولما كانت أغلب طاقته هذه تخرج على هيئة كتابة فكان من الطبيعي ان تكون أغلبها للوطن وإلا كنت مقصرا. أرجوكم ذكروني بكلامي هذا كلما نسيته أو غفلت عنه..

    وأعتذر للإطاله ..
    أطل كما شئت يا عزيزي..
    بس ايه اولا اقرأ الرد السابق دى يعنى انا كمان مريض نفسى ولا ايه على فكره والله العظيم ما أنا اللى كتبت الكلام التانى ده
    ولا يهمك..
    ولا أعرف مين اللى كتبه ..
    يكفيني انه عارف نفسه
    أتمنى لك دوام التوفيق .
    ولك مثله…
    السلام عليكم .
    وعليكم السلام ورحمة الله وبركاته..
    دام لنا قلمك..

  8. غير معروف
    يا سي احمد اعتبرني واحد معجب او وحدة معجبة وعايز او عايزة اغلس عليك شوية ولو انت مش عايز انا مش هاخش هنا تاني
    ماشي يا سي غير معروف أو غير معروفة.. لو كنت أو كنتي غير معروف أو معروفة الأول أو الإولى بتاع أو بتاعة ما اسخفك وكتبتها أو كتبتيها من باب الغلاسة والهزار فمفيش أي مشكلة.. لأن هزاري أنا أغلس بمراحل بشهادة معتمدة من تلاتة في منتهى الغلاسة..
    أما لو كنت أو كنتي غير معروف التاني بتع حمادة فليس لك عندي إلا كلمة :حسابك عند ربك بما قلت..
    وانا معنديش مشكلة مع الغلاسة المحترمة..
    لهذا معنديش مشكلة في وجودَك أو وجودِك تفضل أو تفضلي في أي وقت.. وكمان يا سيدي أو يا ستي احتفظ أو إحتفظي بسرية اسمك.. لكن على الاقل -على الأقل يعني- حدد أو حددي نوعك بدل ما نعمل فتـّة الضمائر دي كل مرة..!!
    تحياتي

  9. عبد الله

    و لا يهمك يا أخ فيصل ده واحد من الجماعه إياهم دخل يستعرض قاموس قباحته
    لا تلتفت إلى أمثاله …….
    ***
    شكرا عزيزي عبد الله
    لا تؤاخذني على حذف ردك نظرا لموضوع اختصاص الصفحة الذي ذكرته…
    دمت لقلمي

  10. ممكن أعرف غيرت اسم المدونة من فيصلوجيا لـ ” الأب الروحي ليه ” 🙂
    من حق القراء يعرفوا
    ولو فيها غلاسة – أكيد فيها –
    ممكن نعرف مين الأب الروحي لفيصل ؟
    أخمن ؟
    المسيرى ؟؟ رحمة الله عليه
    استمر … ففي ما تكتب – جدا أو هزل – نجد أنفسنا
    حماك الله

  11. مساء الخير ..
    مررت عليك هنا لأتعرَّف عليك أحمد ..
    سعدت بالتجول في مُدونتك ..
    دعنا نتواصل ..
    انت جميل ..
    حقيقي جميل ..
    لك صادق مودتي ..

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s