هوامش على عدد الشروق الأول

أولا هذه الكلمات ليس الغرض منها التقييم.. بل..

لا بقه بصراحة الغرض منها التقييم..!

والتقييم مهم لأية مطبوعة تبدأ عمرها الافتراضي، حتى لو كانت من انتاج حرّيفة مثل حرّيفة الشروق.. فالقريبين من المطبخ الصحفي يعرفون جيدا ان العمل اليومي يختلف -تماما- عن الاسبوعي.. فتخيل إذن الفرق بين نشر الكتب والعمل اليومي..! وحتى لو كان المقيم -بكسر الياء المضعفة- واحد زيي…

الترويسة والإخراج العام يشبهان تماما “الجريدة” اللبنانية..

الصفحة الدولية اسمها “العرب والعالم” على اسم نظيرتها في جريدة الكرامة.. والاقتصادية “مال وأشغال” على وزن مال و أعمال بالأهرام..

شيء يغيظ حقا: العدد نازل بالكامل دون اسماء الأرواح والأشباح اللي عملت التحقيقات والأخبار..! لا توجد اسماء في العدد بأكمله الا اسماء كتاب الأعمدة والمصورين وعماد ابو غازي وهو الصحفي الوحيد في الجريدة تقريبا…!!! فين الناس..؟ لا أحد يعرف..

تحديث: في الأعداد التالية.. تم الاعتناء بهذا الجانب وبشكل مذهل.. أصغر تحقيق أو خبر حمل اسم صاحبه وبشكل واضح…

في صدر صفحة الاقتصاد -المال والأشغال التي ذكرتها منذ قليل- تحقيق عن وضع موبينيل المالي.. وفي صدر صفحة الاقتصاد الثانية المقابلة حاجة كده ما تفهمش تحقيق وللا حوار عن أو مع سميح ساويرس.. نقطة..!!

جزء عن المدونات في نصف صفحة.. انها العادة الصحفية الجديدة  ان لازم يبقى عندنا باب مدونات..! وهو نوع من الصحافة لا يكلف الصحفي الا سيرش على النت أو ولا حتى السيرش.. مجمع العمرانية سيقوم بتلك المهمة عن الزميل العزيز..!! لا أفهم لماذا تقوم أية جريدة بعمل شيء كهذا..؟ هل هو مثلا نوع من تسليط الضوء على هذا الاعلام الشبابي الجديد -كما سمعتها من احد الصحفيين-..؟ طيب كيف تقوم جريدة توزيعها لا يزيد عن بضعة آلاف -أي جريدة بقه- ب”تسليط الضوء” على مدونة يبلغ قراءها مئات الآلاف..؟!

مين اللي في الضوء ومين اللي في الضلمة..!؟

Advertisements

10 thoughts on “هوامش على عدد الشروق الأول

  1. اهلا احمد

    حلوة تدوينتك عن العدد الاول
    بافكر بقى باعتباري من المدونين اللى اقتبسوا من مدونتها لعدة مرات واول مرة تحدثوا عني بصيغة المذكر باعتبار ان ناقل الموضوعات لم يكلف خاطره اصلا بالتحقق من بروفايل المدونة المنقول عنها ورغم ان بروفايلي فيه صورة بنت
    يعني حاجة واضحة زي عين الشمس
    والنهاردة كمان احد الاصدقاء ذكر لي انهم اقتبسوا تاني عن مدونتي وكأنهم مش لاقيين غيرها
    اصلا لم يكلفوا خاطرهم يبلغوني بالنقل وعرفت عن طريق اصدقائي

    مش عارفة ده يبقى اسمه ايه اذا لم يكن استسهال
    فيه ناس بتعتبر ده حاجة كويسة انهم ياخدوا من تدويناتنا
    بس صراحة انا شايفة ان لا ده امر غير صحي خاصة وان الحقوق الادبية لاتعني ذكر المصدر فقط بل أر اكبر من ذلك بكثير

    يبدو اني سأكتب تدوينة عن هذه المسخرة

    تحياتي

  2. هو كاتب التدوينة أعمى ؟
    العدد متاج بي دي إف وأي حمار له عينين هايلاقي أسماء صحفيين وكتاب كتير… أسماء إيه اللي مش موجودة يا بني .. بتقيم جرنال إزاي وإنت مش بتشوف أساسا ؟؟؟!!

  3. @ميدو:
    قصدك المصريون الإلكترونية..؟ للأسف انا مش مدرج البوست ده ضمن بوستات قلة الأدب.. ممكن أعمل بوست قلة أدب مخصوص عشان اقول رأيي في “المصريون”…

  4. @Bella:
    لو كنتي من هؤلاء المحظوظين الذين حباهم الله بمرارة بطيئة الانفجار مما يتيح لهم القدرة على متابعة جايكوهات وائل عباس كنتي اكتشفتي ان الجرائد عاملة مع مدونين كتير مواقف تخنق بجد.. المدونين محتاجين وقفة مع الصحافة خاصة المدونين الصحفيين زي حالاتي كده.. حد يفهم الجرايد ان مهما عملت مش ح توصل لعدد أكبر من اللي بتوصل له اصغر مدونة..

  5. @طه عبد المنعم:
    قصدك جريدة الحملة الانتخابية للحزب الوطني..؟
    لما يبقى اللي فيها عندهم اخبار ان الجريدة محدش بيقراها غيرهم وانها محتقرة ف كل حتة وان خراب الدار العريقة ح يبقى على ايديها ان شاء الله ح اقدر اقول لك ان انا عندي اخبار..!!

  6. @أبو العينين:
    أولا أنا صحيح عينيا على قدي بس مش حمار فيمكن عشان كده ما خدتش بالي من اللي حضرتك اخدت بالك منه.. ثانيا انا قريت النسخة الورقية يا فندم واكتر من مرة وما قرتش أي PDF لا من النسخ التجريبية ولا من النسخ الرسمية.. فلو تكرمت سيادتك بلستة أمورة كده باسماء اي حد نزلت في النسخة الورقية للعدد الأول غير كتاب المقالات والمصورين واللي انا قلت اسمه ده أكون شاكر…
    عموما دي وجهة نظر وده في حد ذاته دليل اني باشوف اذا كان الشوف وجهة نظر كما ادعى محمد صبحي..!

  7. تعقيب: إنتوا فاكرينها صحافة بجد..؟! « Faisslogia..!

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s