نحو الكتاب الخامس للمدونين.. أنا دكر..!!!!

الدكر المثالي

الدكر المثالي

نعم انا أجلت بتاع تلاتين تدوينة بين كرنفالية وحميمية وتهييسية ولقائناسية -نسبة إلى لقاء الناس وهو حدث نادر التكرر في حياة don مثلي يعيش في قصر الكورليونيس بعيدا عن البشرية.. لكي انشر هذه الدعوة..

قال لي أحمد مهنا انه انتهى من جمع الكتاب الرابع من مدونات مصرية للجيب.. وده جميل طبعا، صحيح مش فاكر ايه هو موضوع الكتاب لكنه شيء رائع طبعا..

وطبعا أيضا انا متابع مسيرة الكتاب الثالث كلنا انثى منذ بدايتها.. وعاجباني الفكرة…

ولكن بقه…!

أين المدونين..؟ الرجالة..؟ الشباب..؟ الشنبات..؟ فاكرين أصلا المصطلحات دي وللا نسيتوها.؟!

عارفين طبعا ان انا انثى ليست أول التحركات الإيجابية لبنات حواء.. فيه قبلها كلنا انثى واحترم نفسك وحاجات كتير..

طيب فين بقه بني حواء..؟

فاكرين حملة كلنا فوزي بتاعة أحمد سووو..؟ كانت أول -هه- نفس يطلع يفكر الناس -يا جماعة.. فاكرين يعني ايه رجالة..؟ اه احنا ما تبصوش كده- ان اللحظة التي ينتظرها سيد أبو حفيظة قد اتت وان فيه رجالة لتعود جملة “سيداتي سادتي” إلى الحياة..

لهذا سأعلنها من قلب المركز الدولي للتنمية الثقافية بالدقي اليوم عالية مدوية: أنا دكر..!!

أنا دكر هو مشروع الكتاب الخامس لمدوني مصر.. أنا دكر سيتحدث عن التبعات والكوارث والبلاوي والحاجات اللذيذة أيضا التي ترتبت على كوني دكر عايش في الخليقة.. ثم على كوني دكرًا عربيا.. ثم على كوني دكرا وضعوا فوق رأسه صورة الريس…

انا دكر سيتحدث عن علاقتنا بأنا أنثى.. وعن الحاجات اللي عاملاها فينا أنا انثى باستمتاع شديد غالبا.. وعن الحاجات اللي بنعملها احنا فيها ببراءة شديدة غالبا برضه..

انا دكر ح يريح التعبان.. ويفرح الزعلان..

أنا دكر ح يتباع الواحدة بقرش  يا بلاش..

اسمع اقتراحاتكم بقه

Advertisements

5 thoughts on “نحو الكتاب الخامس للمدونين.. أنا دكر..!!!!

  1. الفكرة دى جامدة موت .. وأخر حاجه
    مع أنى بستخدم التعبيرات دى لكن الفكرة مغرية جدا جدا
    ورغم أنى لا أحب أن التدوينات تنزل فى كتاب
    لكن أنا معاك يا مان…. أقصد يا دكر
    وقول لمهنى طه عبد المنعم عاوز يشارك

    يا عم هو أنت جيت فى جمل … لاحظ (جمل) نسبة الى (يا جملى ) و( يا بعلى )
    وهو فديك الساعه لما ندافع عن قوميتنا الذكورية

    ويشترط أننا لا نعبر عن أنهزاميتنا بل عن فخرنا
    دمت لنا يا فيصيولوجيا

  2. فعلا يا احمد
    ناس كتير النهاردة سألت مهنا نفس السؤال
    فعلا هيبقي جميل جدا لو الكتاب الخامس للشباب بس
    لكن كالعادة ناس عرضم الفكرة ورفضوها تماما

  3. يا أستاذ احمد
    الأول أشكرك على تحيتك للعدد
    و ثانيا فكرتك حلوة و يلا شدوا حيلكم
    و سمعونا هتقولوا علينا إيه ؟؟
    و نوعدك مقدما إننا هنهتم بكل اللى هتقولوه
    يمكن نبطل ساعتها نعذب بعض رجالا و نساء
    خالص تحياتى ليك

  4. تعقيب: خليك مدون متفوتر.. احسن تدخل العينة وتتفحص « فـحـمـايـة | Ember

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s